Wie wuurt óg geld gebroek:

’t Insigste doel veur óg donatie is ’t zörgdrage det ’t Roeije Kruutsbal nog wiés in lingte van jaore behalde bliéf veur eine biezóndere groep feestvierders.

’t Roeije Kruutsbal vind jäörlijks plaats op de zaoterdaag, ein waek veur de vastelaovend in Theater de Maaspoort in Venlo.

De gaste kómme oét gans Noord- en Midde Limburg, ein stökske Noord Braobant en zelfs inkele gaste “van euver de Päöl” (Kaldekerken). Zeej waere óntvange met ein stökske flaai en ammesere zich met diverse optraejes van Vastelaovesartieste en bezeuke van verschillende vastelaovesgezelschappe.

’t Hoëgtepunt is ’t oétroope van de nieje Prins of Prinses van ’t Roeije Kruutsbal

Stichting ’t Meis Kwante Bal is in 2019, op initiatief van Venloos Vastelaovesgezelschap Jocus, in ’t laeve geroope naodet ’t Nederlandse Rode Kruis (de toenmalige organisator van ’t Roeije Kruutsbal) gen naeve-activiteite miër óndersteunde.

Dees stichting besteit oét vertaegewaordigers van de serviceclubs Kiwanis Club Venlo Sintermerte en de Ronde Tafel 94 Venlo, de Stichting Vrinde van Jocus, Venloos Vastelaovesgezelschap Jocus en ein aafvaardiging van de vreejwilligers die dit bal organisere.

Statutair is e.e.a. as volg vasgelag:

“De stichting heeft als doel: De organisatie van een Vastelaovesbal voor mensen met een geestelijke of lichamelijke beperking en het verrichten van al wat hiermee verband houdt of daartoe bevorderlijk kan zijn”.